***
Meneja kitengo cha bahari na maeneo tengefu, Dk Milali Machumu amesimamishwa kazi ikielezwa kuwa ameshindwa kukisimamia ipasavyo.
Waziri wa Mifugo na Uvuvi, Luhaga Mpina amesema mbali na kumsimamisha kazi, amevunja bodi ya wadhamini ya kitengo hicho na ameagiza Dk Machumu achunguzwe.
Mpina amesema hayo leo Jumatatu Aprili 16, 2018 alipozungumza na waandishi wa habari mjini Dodoma akitoa ufafanuzi wa kasoro zilizoainishwa katika taarifa ya ukaguzi ya Mdhibiti na Mkaguzi Mkuu wa Hesabu za Serikali (CAG) kwa mwaka 2016/17 zinazohusu wizara hiyo.