Saturday, April 28, 2018

WANAKIJIJI WAZIKA KIPANDE CHA UTUMBO WA MTOTO ALIYELIWA NA FISI MWANZA

  Malunde       Saturday, April 28, 2018

Mabaki ya mguu mmoja na kipande kidogo cha utumbo wa anayeaminika kuwa mtoto wa miaka sita mkazi wa Mwaniko wilayani Misungwi mkoani Mwanza, Martha Saimon, aliyeliwa na fisi yamezikwa leo kijiji hapo.

Martha, mwanafunzi huyo wa chekechea wa Shule ya Msingi Mwaniko alikutwa na janga hilo alipokuwa amekwenda kujisaidia akiwa na ndugu zake wawili baada ya kumaliza kula chakula cha usiku, Aprili 25.

Bibi wa marehemu Kweji Samwel (52), amesema wamefanya maziko ya mguu mmoja na kipande cha utumbo vilivyopatikana baada ya msako mkali kuutafuta mwili na fisi huyo.


“Taratibu zote za maziko zimefanyika kama kawaida licha ya kuwa tumezika baadhi ya viungo vyake tulivyopata. Jambo hili limetuumiza kwa kiasi kikubwa,” amesema Kweji.


Mwenyekiti wa kijiji hicho, Hezron Lutonja amesema kuwa kamati ya ulinzi na usalama ya kijiji hicho ilikaa na kujadili tukio hilo la aina yake ambalo halijawahi kutokea kijijini hapo.


Amesema kamati hiyo imependekeza kuwaita wawindaji wa kijadi wa wanyama hatarishi (Wama) kutoka Kijiji cha Sumbugu wilaya hapo kwa ajili ya kuwawinda wanyama hao ili wasilete athari zaidi.
Na Twalad Salum, Mwananchi
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post