Saturday, April 21, 2018

MWANAMKE AUAWA KWA KUKATWA MAPANGA USANDA - SHINYANGA

  Malunde       Saturday, April 21, 2018


Mwanamke aliyejulikana kwa jina la Nshoma Shija (70) mkazi wa Kitongoji cha Mabu,kijiji cha Shabuluba kata ya Usanda  tarafa ya Samuye wilaya ya Shinyanga (Vijijini) mkoa wa Shinyanga ameuawa kwa kukatwa mapanga na watu wasiojulikana.

Malunde1 blog imeambiwa kuwa mwanamke huyo ameuawa akiwa nyumbani kwake wakati anapika viazi nje ya nyumba yake majira ya saa moja usiku huu Jumamosi Aprili 21,2018. 

Inaelezwa kuwa mtu/watu wasiojulikana walimvamia mwanamke huyo kisha kumkata kwa kitu chenye makali shingoni na kusababisha kifo chake papo hapo.

Kamanda wa Jeshi la polisi mkoa wa Shinyanga ACP Simon Haule amesema wanafanya uchunguzi ili kubaini chanzo cha tukio hilo na kuwakamata wahusika wa mauaji hayo.
Na Kadama Malunde - Malunde1 blog
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post