Picha ya Kunguru
Kunguru mmoja amelazimu ndege iliyokuwa imewabeba wanajeshi wa Amisom kutoka Burundi kutua kwa ghafla katika uwanja wa ndege wa Bujumbura nchini Burundi.
Ndege hiyo inadaiwa kumgonga kunguru huyo angani wakati ilipokuwa ikipaa , kabla ya rubani kuamua kutoendelea na safari ya kuelekea Somalia ambapo wanajeshi hao wanahudumu kulingana na vyanzo vya habari na wizara ya ulinzi katika uwanja huo.
Ndege hiyo ilisalia hewani kwa takriban saa moja kabla ya kutua.
Afisa mkuu wa uwanja wa ndege wa Burundi Emmanuel Habimana amethibitisha kuwa ndege hiyo iligonga kunguru huyo mapema alfajiri.
Hata hivyo kulingana na afisa huyo hakukuwepo na tatizo lolote la kiufundi na ndege hiyo iliondoka tena.
Rais wa Burundi Pierre Nkurunziza ametangaza kuwa serikali yake inajiandaa kuishtaki EU
Wanajeshi wa Burundi ni miongoni mwa wanajeshi wa Umoja wa Afrika wanaokabiliana na wapiganaji wa Al-Shabab nchini Somalia.
Wanajeshi wa Burundi
Wanajeshi wa AU nchini Somalia
Wanajeshi wa AU nchini Somalia
Chanzo-BBC