Magige ambaye anajulikana pia kama Rasi, kwa sasa ana majeraha mengi mwilini anayotibiwa hospitalini hapo.
Kamanda wa Polisi Tarime /Rorya, Justus Kamugisha alithibitisha kutokea kwa tukio hilo.
Alisema Magige kwa sasa yupo chini ya ulinzi wa Polisi hospitalini hapo, akipatiwa matibabu. Alikiri mtu huyo kupigwa na wananchi baada ya kumuua mwanawe huyo.
"Magige yuko chini ya ulinzi wa Polisi hospitalini baada ya kushambuliwa na wananchi wenye hasira baada ya kumuua mwanawe kwa kumpiga na nyundo kichwani na usoni, tukio hili lilitokea Februari 28 mwaka huu jioni katika Kitongoji cha Sokoni huko Sirari," alisema Kamanda Kamugisha.
Alisema uchunguzi wa tukio hilo, unaendelea ili kubaini chanzo cha mauaji hayo. Alisema mtuhumiwa huyo atafikishwa mahakamani, kujibu mashitaka ya mauaji hali yake itakapokuwa nzuri, kwani kwa sasa ni mbaya na hajitambui.
Wakazi wa Kitongoji cha Sokoni, Sirari, waliohojiwa kwa nyakati tofauti, walidai mtuhumiwa huyo alikuwa mfuga nguruwe na mchinjaji na pia alikuwa akijishughulisha na kubeba mizigo katika Kituo cha Forodha cha Mamlaka ya Mapato (TRA) cha Sirari.
Pia, walidai kuwa kulikuwa na migogoro ya kati ya mtu huyo na mke wake. Hata hivyo, hawakufafanua ni aina gani ya migogoro hiyo.
Credit-Eddy blog