Mtoto mmoja aliyejulikana kwa jina la Vick
Pita (3) amenusurika kuibiwa na mwanamke mmoja aliyedaiwa kutumia hirizi
kumfanyia manyanga mtoto huyo katika mtaa wa Bomani kata ya kalangalala wilayani Geita mkoani Geita.
Tukio hilo limetokea usiku wa kuamkia jana
katika kata kata ya Kalangalala wilayani humo.
Akisimulia juu ya tukio hilo mama mdogo wa mtoto huyo
Frola Samson amesema tukio hilo limetokea wakati akimsafirisha kwa
pikipiki mtoto huyo pamoja na mwingine aitwaye Happiness Peter (2) kuwapeleka
kwa baba yao
anayefanya kazi umbali wa kilomita 1 kutoka nyumbani kwao.
Amesema mara baada ya kuwapakia watoto hao kwenye
pikipki maarufu kama bodaboda mama mmoja akiwa na hirizi ambaye hakujitambilisha jina lake alikuja na
kuanza kumkumbatia mtoto huyo na kudai kuwa ni mtoto wake na kumbatiza jina la
bandia la Glory.
Ameongeza kuwa baada ya kumbatiza jina hilo bandia
mama huyo alimwamuru mwenye bodaboda kuondoka kwa kasi lakini mwendesha bodaboda
huyo alipoona mtoto analia aliondoka eneo
hilo peke yake na kumwacha mama huyo aliyefahamika kwa jina la Neema
Mazura(18) akiendelea kumkumbatia mtoto Vick .
Ameongeza kusema kuwa mwizi huyo aliyekuwa na
hirizi kichwani na mkononi alikuwa akimfanyia manyanga mtoto huyo kwa
kumzungushia hirizi mkononi.
Kufuatia hali hiyo mama mdogo wa mtoto huyo Flora Samson
alirudi nyumbani kumfuata mama mzazi wa mtoto huyo na kumpa habari kuwa
mwanaye anaibiwa na muda mfupi watu walikusanyika na kuanza kumshushia kipigo
mama huyo kwa kitendo hicho cha kutaka kuiba mtoto.
Kitendo cha kutaka kuibiwa kwa mtoto huyo kimewaweka
macho wazi wakazi wa mtaa huo na kusikika wakisema auawe kwani wamezidi
kuwaiba kwa kutumia madawa yao na kwenda
kuwatoa kafara watoto hao.
Jeshi la polisi mkoani Geita linamshikilia mtuhumiwa
huyo na atafikishwa mahakani baada ya upelelezi kukamilika.
Na valence Robert -Geita.