Katika hali
ya kusikitisha huku wengine wakidai kuwa ulevi ni noumaaa!!,mwanamme mmoja aitwaye
Mayunga Gamaya (57) amefariki dunia
baada ya kuvamiwa ,kushambuliwa kisha kutafunwa na fisi wakati akitoka kunywa
pombe haramu aina ya gongo katika kijiji cha Ng’hami kata Nyalikungu
wilaya ya Maswa mkoani Simiyu.
Kamanda wa
polisi wa mkoa wa Simiyu Charles Mkumbo amesema tukio hilo limetokea juzi
majira ya saa 10 jioni wakati mkulima huyo akitoka kunywa pombe katika
moja ya nyumba ya mwanakijiji mwenzao katika kijiji hicho akirejea
nyumbani kwake na kwamba inasadikiwa Gamaya alikuwa amekunywa pombe haramu aina
ya gongo na wakati akirejea nyumbani alivamiwa na fisi kisha fisi huyo
kumburuza hadi vichakani na kuanza kumtafuna.
kamanda
Mkumbo amesema mwili wa merehemu
ulionekana wakati wachungaji wa mifugo wakati wanarejesha mifugo yao walikokuwa
wanachunga majira ya jioni na kuona mabaki
ya kichwa cha Gamaya na nguo zake alizokuwa amevaa siku hiyo zikiwa eneo la vichakani
na baada ya wananchi kutambua mwili wa marehemu na jeshi la polisi kuruhusu
wazike mabaki ya marehemu.