MAGARI YAGONGANA NA KUUA WATU WAWILI MOROGORO - MALUNDE 1 BLOG | Fahari ya Shinyanga

Breaking

Thursday, December 16, 2021

MAGARI YAGONGANA NA KUUA WATU WAWILI MOROGORO



WATU wawili wamefariki Dunia katika ajali iliyohusisha Malori mawili iliyotokea eneo la Mkambarani barabara ya Morogoro – Dar es alam nje kidogo ya Manispaa ya Morogoro.

Katika Malori hayo, moja lilibeba shehena ya Saruji likiwa linatokea Dar es Salaam kuelekea Morogoro lenye namba za usajili T 389 DXF likiwa na Tela namba T 452 BCR na jingine lilikuwa linatokea Morogoro kuelekea Dar es Salaam lenye namba za usajili T 708 CCT tela namba T 927 CNF yaligongana uso kwa uso na kusababisha vifo vya watu wawili.

Ajali hiyo ambayo imetokea majira ya saa 11 Alfajiri ya Disemba 16, 2021 ilisababisha foleni kwa watumiaji wa barabara hiyo kwa zaidi ya saa tatu.

Akizungumza kwa njia ya simu kamanda wa Polisi mkoa Morogoro, Fortunatus Musilimu amekiri kutokea kwa ajali hiyo huku Katibu wa Hospitali ya Rufaa mkoa Morogoro, Scolastika Solomoni amekiri kupokea miili ya watu wawili ambao wote ni wanaume ambao wamefariki katika ajali hiyo na kwamba hadi sasa bado miili hiyo haijatambulika.


Download/Pakua App ya Malunde 1 blog Google Playstore Bofya Hapa

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia malundekadama@yahoo.com au WhatsaApp: + 255 757 478 553

No comments:

Post a Comment

Pages