TANZANIA KUENDELEA KUNUFAIKA NA SHIRIKA LA MILIKI UBUNIFU DUNIANI | MALUNDE 1 BLOG

Tuesday, October 5, 2021

TANZANIA KUENDELEA KUNUFAIKA NA SHIRIKA LA MILIKI UBUNIFU DUNIANI

  sayarinews.co.tz       Tuesday, October 5, 2021


Ofisa Mtendaji Mkuu wa Wakala wa Usajili wa Biashara na Leseni (BRELA) Bw. Godfrey Nyaisa akiwasilisha taarifa ya Nchi juu ya masuala ya Miliki Bunifu katika Mkutano Mkuu wa Mwaka wa Nchi Wanachama wa Shirika la Miliki Bunifu Duniani (WIPO) unaofanyika Geneva, Uswisi kuanzia tarehe 4 hadi 8 Oktoba, 2021. 

****************** 

Ofisa Mtendaji Mkuu wa Wakala wa Usajili wa Biashara na Leseni (BRELA) Bw. Godfrey Nyaisa amesema Tanzania itaendelea kunufaika na miradi mbalimbali ya Shirika la Miliki Ubunifu Duniani (WIPO). 

Ameyasema hayo katika Mkutano Mkuu wa mwaka wa Nchi Wanachama wa WIPO ulioanza tarehe 4 Oktoba na utahitimishwa tarehe 8 Oktoba, 2021 katika Mji wa Geneva, Uswisi 

Katika hotuba yake, Bw. Nyaisa amebainisha miradi ya Miliki Bunifu ambayo nchi ya Tanzania imenufaika ikiwemo kujengea uwezo makundi mbalimbali ili kuweza kutumia Miliki Bunifu kwa maendeleo ya nchi . 

"Mpaka sasa BRELA imeweka mfumo wa kushughulikia maombi ya hataza na alama za biashara (IPAS), mapitio ya sheria za Miliki Bunifu pamoja na vitabu na ufundishaji wa sehemu ya Shahada ya Uzamili ya Miliki Bunifu inayotolewa na Chuo kikuu cha Dar es Salaam," ameeleza 

Ameongeza kwa kusema kuwa, hivi karibuni WIPO na Mahakama ya Tanzania wamesaini Mkataba wa Makubaliano (MoU) kwa nia ya kuimarisha mfumo wa mahakama na huduma za Miliki Bunifu na ulinzi nchini Tanzania. Utekelezaji wa makubaliano hayo utasaidia kushughulikia changamoto za kisheria zinazohusiana na uamuzi wa Miliki Bunifu unaokabili mfumo wa Mahakama nchini Tanzania 

Mkutano huo utapitia na kujadili shughuli mbalimbali na kupitisha bajeti ya WIPO. Tanzania imekuwa mwanachama wa WIPO tangu mwaka 1983. 

Imeandaliwa na Kitengo cha Uhusiano na Mawasiliano- BRELA
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post