NFRA YANUNUA TANI 4,600 ZA MAHINDI YA WAKULIMA RUKWA | MALUNDE 1 BLOG

Wednesday, September 1, 2021

NFRA YANUNUA TANI 4,600 ZA MAHINDI YA WAKULIMA RUKWA

  Malunde       Wednesday, September 1, 2021

Sehemu ya vihenge vya kisasa sita vyenye uwezo wa kuhifadhi tani 20,000 vinavyojengwa na serikali kwa ajili ya kuongeza uwezo wa NFRA na kuhifadhi nafaka kwa Kanda ya Sumbawanga. (Picha na Ofisi ya Mkuu wa Mkoa Rukwa).
Mkuu wa Mkoa wa Rukwa Mhe. Joseph Joseph Mkirikiti (kushoto) akiwa kwenye mazungumzo na Mtendaji Mkuu wa Wakala wa Taifa wa Hifadhi ya Chakula (NFRA) Bw. Milton Lupa leo alipofika Sumbawanga kwa ziara ya kikazi kukagua mwenendo wa ununuzi wa mahindi ya wakulima.
Mkuu wa Mkoa wa Rukwa Mhe. Joseph Joseph Mkirikiti (kushoto) akiwa kwenye mazungumzo na Mtendaji Mkuu wa Wakala wa Taifa wa Hifadhi ya Chakula (NFRA) Bw. Milton Lupa (kulia) leo alipofika Ofisi ya Mkuu wa Mkoa huo mjini Sumbawanga kwa ziara ya kikazi kukagua mwenendo wa ununuzi wa mahindi ya wakulima.
**

Wakala wa Taifa wa Hifadhi ya Chakula nchini (NFRA) imefanikiwa kununua tani 4,600 za mahindi zenye thamani ya Shilingi Bilioni Mbili na Milioni Mia tatu ( 2,300,000,000) toka kwa wakulima kati ya lengo la tani 5,000 zilizopangwa awamu ya kwanza kufikia Agosti 31, mwaka huu.

Hayo yamebainishwa leo (01.09.2021) wakati Mtendaji Mkuu wa Wakala wa Taifa wa Hifadhi ya Chakula (NFRA) Milton Lupa alipokutana na Mkuu wa Mkoa wa Rukwa Joseph Mkirikiti ofisini kwake Sumbawanga akiwa katika ziara ya kukagua zoezi la ununuzi wa mahindi Meupe linaloendelea katika Mikoa ya Nyanda za Juu Kusini.

Lupa aliongeza kusema serikali inaendelea kuweka mazingira wezeshi ili kuendelea kununua mahindi ya wakulima kulingana na upatikanaji wa fedha.

“Wakala unaendelea kufuatilia fedha toka Serikalini ili itekeleze jukumu la kununua mahindi ya wakulima kama ilivyopangwa kwenye bajeti ya mwaka 2021/2022 hivyo wananchi wa Rukwa wawe na subira” alisema Lupa.

Lupa aliongeza kusema Wakala unaendelea kukamilisha ujenzi wa vihenge vya kisasa na kuwa lengo mahindi yote yatakayonunuliwa Rukwa msimu huu yahifadhiwe .

Kwa upande wake Mkuu wa Mkoa wa Rukwa Joseph Mkirikiti alisema wananchi wa Rukwa wamezalisha kwa wingi mahindi kwa kuwa ni zao lao la biashara hivyo wanategemea zaidi NFRA kama soko la uhahika.

“Tunaendelea kuiomba serikali itupatie mgao zaidi sisi wana Rukwa kwani zao letu la mahindi ndio zao la biashara kwa wananchi wengi” alisisitiza Mkirikiti.

Kwa mujibu wa takwimu za uzalishaji wa mazao ya chakula kilimo msimu wa 2020/2021 mkoa wa Rukwa ulizalisha tani 651,433 za mahindi kati ya lengo la tani 731,500 ambapo kutokana na uzalishaji mkubwa mkoa una ziada ya mahindi tani 354,117.

Mwisho.

Imeandaliwa na;

Afisa Habari Mkuu,

Ofisi ya Mkuu wa Mkoa wa Rukwa,

SUMBAWANGA

01.09.2021
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post