JAMAA ACHOMA NYUMBA YA MWANAMKE ALIYEMHONGA POMBE AKABEBWA NA MWANAUME MWINGINE | MALUNDE 1 BLOG

Saturday, September 25, 2021

JAMAA ACHOMA NYUMBA YA MWANAMKE ALIYEMHONGA POMBE AKABEBWA NA MWANAUME MWINGINE

  Malunde       Saturday, September 25, 2021


Katika hali ya kusikitisha, mwanamke aitwaye Felista Michael mkazi wa kijiji cha Wama, Kata ya Gisambala wilayani Hanang Mkoani Manyara amenusirika kifo mara baada ya kuchomewa nyumba yake na mtu aliyefahamika kwa majina ya Heriko Selastin huku kisa kikitajwa kuwa ni wivu wa mapenzi.

Kamanda wa Polisi Mkoa wa Manyara, Merisone Mwakyoma amethibitisha kutokea kwa tukio hilo na kusema kuwa uchunguzi wa awali umebaini kwamba Heriko alimnunulia pombe mpenzi wake Felista kwa makubaliano ya kuondoka naye lakini baadaye mwanamke huyo aliondoka na mwanaume mwingine ambaye naye alielezwa kumnunulia pombe pia, jambo ambalo lilimtia hasira Heriko na kuamua kwenda kuichoma nyumba ya mpenzi wake huyo.

Katika tukio jingine, mtu mmoja anayefahamika kwa majina ya Isaka Yustin mwenye umri wa miaka 27 mkazi wa kijiji cha Emango kilichopo Kata ya Galapo wilaya ya Babati Mkoani Manyara ameuawa na aliyekuwa mkewe kwa kupigwa na kitu chenye ncha kali shingoni.



Jeshi la Polisi mkoani Manyara bado linaendelea na uchunguzi kufuatia matukio hayo ya kinyama.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post