SERIKALI YAAGIZA WANAOKASHIFU VIONGOZI MITANDAONI WAKAMATWE | MALUNDE 1 BLOG

Thursday, September 16, 2021

SERIKALI YAAGIZA WANAOKASHIFU VIONGOZI MITANDAONI WAKAMATWE

  Malunde       Thursday, September 16, 2021

Waziri wa Mambo ya Ndani ya Nchi George Simbachawene

Na Dotto Kwilasa, Dodoma

SERIKALI  imeviagiza vyombo vya Ulinzi na Usalama vilivyo chini ya Wizara yake kuwakamata na kuwachukulia hatua kali  wanaotumia mitandao ya kijamii   kuwakashifu viongozi wa Serikali na kusema kuwa ni kinyume cha sheria.

Waziri wa Mambo ya Ndani ya Nchi George Simbachawene amesema hayo leo jijini Dodoma kwenye mkutano wake na waandishi wa habari huku akisema hali hiyo haitavumilika na kwamba  kuanzia sasa hatua kali za kisheria zitachukuliwa dhidi yao kwa wale wote watakao endelea na tabia hiyo.  


Simbachawene  amesema kila mwananchi anapaswa kusimamia matumizi sahihi ya mitandao  ukiwemo wizi unaofanyika pamoja na uhuru wa kutoa mawazo ambao wengi wamekuwa wakiutumia vibaya kwenye mitandao ya kijamii.


"Namuagiza Kamishina wa polisi nchini Camillus Wambura kushughulikia wale wote wenye malalamiko ya kutoa fedha ili kesi zao zishughulikiwe na jeshi la polisi kwenye kesi za makosa ya jinai,"amesema .


Aidha Waziri Simbachawene amebainisha kwamba zaidi ya shilingi milioni 500 hadi Bilioni 1 fedha za wananchi wanyonge, wastaafu huibiwa na matapeli kwa njia ya mitandao .

"Kuna  wananchi hulipishwa fedha pindi wanapoenda kulalamika kupotelewa na vitu vyao ikiwemo simu za mkononi na baadhi ya polisi kuwadai wananchi fedha ,nawaomba polisi  kuacha mara moja tabia hiyo na mkasimamie haki na maadili,"amesisitiza Simbachawene.

Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post