STENDI MPYA YA MABASI MBEZI LUIS KUANZA KUTUMIKA FEBRUARI 25 | MALUNDE 1 BLOG

Monday, February 22, 2021

STENDI MPYA YA MABASI MBEZI LUIS KUANZA KUTUMIKA FEBRUARI 25

  Malunde       Monday, February 22, 2021


Mkuu wa Mkoa wa Dar es salaam, Aboubakar Kunenge amesema kituo Kipya cha mabasi yaendayo mikoani na nje ya nchi cha Mbezi Luis kitaanza rasmi kutoa huduma Februari 25, 2021, na kituo mabasi cha Ubungo hakitatumika tena.

RC Kunenge amesema hatua hiyo imekuja baada ya kukamilika kwa miundombinu yote muhimu ikiwemo majengo, maegesho, barabara na ofisi za kutoa huduma.

Amesema tayari Serikali imekutana na wadau wote husika ikiwemo Chama cha Wamiliki wa Mabasi (TABOA) na wote wamejiridhisha kuwa kituo kimekamilika na kipo katika hali nzuri ya kutoa huduma.

Kwa upande wake Mkurugenzi wa Jiji la Dar es salaam, Sporah Liana amesema Jumanne watafanya kikao na wafanyabiashara wote watakaokuwa wakitoa huduma ndani ya kituo hicho na Jumatano watakutana na wamachinga, Baba Lishe na Mama Lishe kwa ajili ya kuwekeana mikakati ya biashara.

Kuhusu ulinzi, Kamanda wa Polisi Kanda Maalumu ya Dar es Salaam, Lazaro Mambosasa amesema jeshi la polisi limejipanga kuhakikisha abiria wote wanaosafiri au kuingia kituoni hapo hawapati usumbufu wa aina yoyote.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post