WAADVENTISTA WAHIMIZWA KUCHANGAMKIA FURSA YA MAKAO MAKUU YA NCHI DODOMA KUWEKEZA KATIKA TAASISI ZA ELIMU | MALUNDE 1 BLOG

Thursday, December 24, 2020

WAADVENTISTA WAHIMIZWA KUCHANGAMKIA FURSA YA MAKAO MAKUU YA NCHI DODOMA KUWEKEZA KATIKA TAASISI ZA ELIMU

  Malunde       Thursday, December 24, 2020


Mkurugenzi Idara ya Elimu kanisa la Waadventista Wasabato jimbo kuu la Kusini mwa Tanzania Bi. Devotha Shimbe 

Na Faustine Gimu Galafoni,Dodoma.

Mkurugenzi Idara ya Elimu kanisa la Waadventista Wasabato jimbo kuu la Kusini mwa Tanzania Bi. Devotha Shimbe amewaasa waumini wa Kanisa la Waadventista Wasabato hapa nchini kuchangamkia fursa ya Kuwekeza elimu kwa kujenga shule katika makao makuu ya nchi Dodoma ili kuwajengea zaidi maadili ya kiroho na yampendezayo Mungu Watoto wa shule za Kiadventista.

Bi. Shimbe amebainisha hayo jijini Dodoma wakati akifanya mahojiano Maalum na Mtandao huu ambapo amesema kanisa linatambua mchango mkubwa unaofanywa na mshiriki mmoja mmoja hivyo ni muhimu washiriki wakawekeza katika suala la elimu hali itakayosaidia kuwaandaa watoto kuwa na maaadili mema kwani elimu ya maadili ya kiadventista ni moja ya uinjilisti.

Hivyo, Bi.Shimbe amebainisha kuwa elimu inayopatikana katika taasisi za elimu za kanisa la Waadventista Wasabato zimejengwa zaidi katika maadili na falsafa ya msingi wa Biblia ambapo watoto huandaliwa katika maisha ya sasa na maisha ya milele.

Aidha, Mkurugenzi huyo wa Idara ya Elimu kanisa la Waadventista Wasabato jimbo kuu la Kusini mwa Tanzania amebainisha kuwa Union ina mpango wa kujenga Chuo kikuu katika makao makuu ya nchi Dodoma ambapo Jumla ya ekari 350 zilishapatikana kwa ajili ya ujenzi huo.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post