WANNE WAHUKUMIWA KUNYONGWA HADI KUFA KWA MAUAJI YA MWENYEKITI WA CHADEMA | MALUNDE 1 BLOG

Thursday, December 24, 2020

WANNE WAHUKUMIWA KUNYONGWA HADI KUFA KWA MAUAJI YA MWENYEKITI WA CHADEMA

  Malunde       Thursday, December 24, 2020

 Alphonce Mawazo (aliyeshika kipaza sauti) enzi za uhai wake 

Mahakama ya Hakimu Mkazi Geita yenye mamlaka ya ziada, imewahukumu watu wanne kunyongwa mpaka kufa baada ya kukutwa na hatia ya mauaji ya aliyekuwa Mwenyekiti wa Chama cha Demokrasia na Maendeleo (CHADEMA) Mkoa wa Geita na kanda ya Ziwa, Alphonsi Mawazo.

Hukumu hiyo imetolewa leo Desemba 24, 2020 na Hakimu Mkazi Mwandamizi mwenye mamlaka ya ziada na Msajili wa Mahakama Kuu Kanda ya Mwanza, Frenk Mahimbari kupitia kifungu namba 197 sura namba 16 marekebisho ya adhabu ya mwaka 2019.

Akisoma hukumu hiyo Hakimu Mahimbari amesema Mahakama imejiridhisha pasi na shaka kuwa washitakiwa wote wanne walikuwepo eneo la tukio kutokana na ushahidi uliyotolewa mahakamani hapo hivyo wamekutwa na hatia ya mauaji ya kukusudia ya kada huyo wa CHADEMA.

Waliohukumiwa katika shauri hilo la mauaji namba 56 la mwaka 2015, ni Alfani Apolinari, Epafura Zakaria, Hashim Sharif na Kalulinde Bwire.

Alphonsi Mawazo ambae alikuwa pia mgombea wa jimbo la Busanda mkoani Geita aliuawa siku chache baada ya uchaguzi mkuu wa mwaka 2015 katika mji wa Katoro.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post