NYUMBA YA MKURUGENZI WA HALMASHAURI YA MEATU YATEKETEA KWA MOTO | MALUNDE 1 BLOG

Sunday, November 15, 2020

NYUMBA YA MKURUGENZI WA HALMASHAURI YA MEATU YATEKETEA KWA MOTO

  Malunde       Sunday, November 15, 2020

Kamanda wa Polisi, mkoa wa Simiyu, ACP Richard Abwao.

Kamanda wa Polisi mkoa wa Simiyu, ACP Richard Abwao, amesema kuwa moto ulioteketeza nyumba aliyokuwa akiishi Mkurugenzi Mtendaji wa Halmashauri ya wilaya ya Meatu, Fabian Manoza, ulisababishwa na uwepo wa baadhi ya vifaa mbalimbali vya umeme vilivyokuwa vimechomekwa ikiwemo Friji.

Kamanda Abwao amesema tukio hilo limetokea usiku wa kuamkia jana Novemba 14,2020 na wakati nyumba inateketea Mkurugenzi huyo hakuwepo nyumbani, bali aliyekuwepo ni mdogo wake.

"Nyumba yote imeteketea kwa moto, nje kulikuwa na gari nalo kidogo liungue ila lilivutwa, na chanzo cha moto mule ndani, waliacha vitu vikiwa vimechomekwa kwenye umeme, ikiwamo friji, chaji za simu na vingine, nadhani umeme ulicheza ikatokea shida," amesema RPC Abwao.

Aidha Kamanda Abwao ameongeza kuwa wakati wa tukio hilo, Jeshi la Zimamoto na Uokoaji walifika eneo la tukio, lakini wakashindwa kuuzima moto huo, "Mule ndani moshi mzito ulikuwa umetanda sana, hivyo zimamoto hawakuingia na hakuna madhara yoyote kwa binadamu na uchunguzi unaendelea ili kukibaini hasa kiini cha moto huo".

Manoza amesema hakuwepo nyumbani wakati moto unazuka na taarifa hizo amezipokea kutoka kwa mdogo wake aliyekuwepo nyumbani.

"Mimi niko safari. Lakini kwa mujibu wa mdogo wangu aliyekuwepo nyumbani wakati wa tukio, chanzo cha moto hakijajulika," amesema Manoza.

Amesema mdogo wake huyo, alishtushwa usingizini na hewa nzito iliyotokana na moshi uliotanda ndani ndipo alipoanza jitihada za kujiokoa huku akipiga kelele kuomba msaada.

Kwa mujibu wa kwa mujibu wa Manoza moto huo umeteketeza samani na mali zote zilizokuwepo ndani ya nyumba.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post