RAIS MAGUFULI AWAPA POLISI OFISI YA MAKAO MAKUU DODOMA YENYE GHOROFA NNE | MALUNDE 1 BLOG

Friday, November 22, 2019

RAIS MAGUFULI AWAPA POLISI OFISI YA MAKAO MAKUU DODOMA YENYE GHOROFA NNE

  Malunde       Friday, November 22, 2019

Rais Dk. John Magufuli, amewapa ofisi jeshi la polisi jijini Dodoma ikiwa ni sehemu ya jeshi hilo na serikali kuhamia jijini humo.

Akizungumza katika uzinduzi wa ujenzi wa nyumba za polisi eneo la Nzuguni jijini Dodoma leo Ijumaa Novemba 22, amesema anawakabidhi jengo la ghorofa nne lililokuwa linatumiwa na Uwasa ambapo yatakuwa makao makuu ya jeshi hilo.

“IGP nimefurahi umesema umehamia hapa Dodoma, ningeshangaa kuona mimi nimehamia hapa wewe bado hujahamia, ningeteua IGP wangu wa hapa Dodoma.

“Lakini kwa sababu umewahi umehamia hapa nakushukuru na kwa sababu umehamia kufanya hivyo kwa sababu askari hasubiri nyumba nimeamua kuwapa zawadi, siyo hela mimi sitoagi hela nimeamua kwa vile mmeshatekeleza wito wa kuhamia hapa na sitaki kujua mmehamia wapi inawezekana  mnakaa kwenye miembe kwenye nini, lakini jukumu lenu mmelifanya la kuhamia hapa nimewamua kuwapa jengo moja kubwa lenye ghorofa nne lilikouwa linatumiwa na Uwasa.

“Sasa ndiyo yatakuwa Makao Makuu ya Polisi na ninakupa picha zenyewe ni matumaini yangu leo nitaona makao makuu ya polisi kwenye jengo hilo,” amesema Rais Magufuli.

Pamoja na mambo mengine, Rais Magufuli amesema serikali imeshahamia Dodoma hakuna lugha nyingine kwamba watahamia, hapa ndiyo makao makuu hakuna jingine na watabanana hapa hapa kwa wagogo hakuna namna.

“Dodoma inapendeza, Dodoma inavutia. Na katika miaka michache ijayo jiji hili litaipita hata jiji la Dar es Salaam na majiji mengine,”- amesema.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post