MNYAMA MWENYE HASIRA ASAIDIA POLISI KUKAMATA WAUZA DAWA ZA KULEVYA | MALUNDE 1 BLOG

Wednesday, September 18, 2019

MNYAMA MWENYE HASIRA ASAIDIA POLISI KUKAMATA WAUZA DAWA ZA KULEVYA

  Malunde       Wednesday, September 18, 2019
Polisi nchini Australia wanaamini wamewakamata wanachama wa mtandao wa kimataifa wa wauza dawa za kulevya  kwa msaada wa mnyama mwenye hasira wa baharini aitwaye sili.

Maafisa wa polisi awali walidokezwa kuhusu uwepo wa watu kwenye moja ya visiwa vidogo baada ya boti ya washukiwa hao kutia nanga magharibi mwa nchi hiyo.

Mtandao huo wa wafanyabiashara hiyo haramu unahusisha raia wa Australia, Marekani, Uingereza na Ufaransa.

Polisi pia imefanikiwa kukamata dawa za kulevya zenye thamani ya dola 688,000.

Jumla ya watu watano wanashikiliwa na polisi na tayari wameshapandishwa kizimbani.Jitihada za jamaa hao kukimbia mkono wa dola zilizamishwa na sili mwenye hasira

Kamishna wa polisi Chris Dawson ameviambia vyombo vya habari kuwa kukamatwa kwa washukiwa hao na dawa zao ni mafanikio makubwa.

"Tumeutikisa mtandao mkubwa na wa kimataifa wa biashara za dawa za kulevya hapa," amesema kamishana huyo na kuongeza kuwa wanaendelea kushirikiana na jumuiya ya kimatiafa katika kukusanya ushahidi wa kesi hiyo.

Watu wawili kati ya watano waliokamatwa walizuiliwa kukimbia kupitia njia ya bahari na mnyama huyo mkubwa mwenye hasira.

Washukiwa hao waliingia kwenye kisiwa kidogo kwa msaada wa boti ndogo na kuficha dawa hizo - ikiwemo kokeni chini ya majani ya mwani.

Baada ya kugundua kuwa uwepo wao kisiwani hapo umebainika, wakajaribu kukimbia kuelekea kwenye boti yao - ndipo walipokutana na "sili mkubwa mwenye hasira" aliyezuia njia yao.

"Walimwamsha, na akaruka kwa hasira na kuwatisha kwa kifua chake kikubwa," shuhuda mmoja ameiambia ABC radio.

"Jamaa hao kiuhalisia walikuwa na machagua mawili, kumvaa sili huyo hatari ama kukubali kushikwa, na wakafanya maamuzi ya kukubali kukamatwa."
Chanzo - BBC
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post