Wednesday, May 15, 2019

BILIONI 19 ZATENGWA KWA AJILI YA KULIPA FIDIA ZA MAENEO YALIYOTWALIWA NA JESHI

  Malunde       Wednesday, May 15, 2019

Wizara ya Ulinzi na Jeshi la Kujenga Taifa imepokea jumla ya Sh19 bilioni kwa ajili ya kulipa fidia za maeneo yaliyotwaliwa na jeshi.

Hata hivyo, ni Sh3 bilioni ndizo zilizolipwa hadi sasa huku Sh16 bilioni zikisubiri uhakiki ili kukamilisha malipo hayo kwa ardhi ya wananchi.

Akijibu swali bungeni leo Jumatano Mei 15, 2019, Waziri wa Ulinzi na Jeshi la Kujenga Taifa, Dk Hussen Mwinyi amesema Serikali itaendelea kuwalipa wananchi fidia katika maeneo ambayo yalichukukiwa kwa shughuli za Jeshi.

Kauli ya Dk Mwinyi imekuja ikiwa ni siku chache tangu msemaji wa Jeshi la Wananchi wa Tanzania (JWTZ) alipotangaza wananchi wote wanaoishi katika maeneo ya Jeshi kuhama haraka vinginevyo wataondolewa kwa nguvu.

Mbunge wa Mtambile (CUF) Masoud AbdallaH Salim amehoji Serikali ina mpango gani wa haraka wa kulipa fidia kwa wananchi waliochukuliwa maeneo yao na Jeshi.

"Ni kweli yapo maeneo yaliyotwaliwa na Jeshi la Ulinzi la Wananchi wa Tanzania kwa ajili ya utekelezaji wa majukumu ya ulinzi wa mipaka lakini baadhi ya maeneo yamelipwa fidia na mengine bado mchakato unaendelea," amesema Mwinyi.

Waziri Mwinyi amesema mpango wa Serikali ni kuendelea kulipa fidia kwa maeneo husika na mwaka 2018/19 wizara ilitenga Sh20.9 bilioni kwa ajili ya kulipa fidia hiyo lakini zilizotolewa ni Sh19 bilioni.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post