Jamaa mmoja mwenye umri wa miaka 28 kutoka mtaa wa Embakasi jijini Nairobi nchini Kenya amejitoa uhai baada ya kugundua anaishi na virusi vya HIV.
Meshack Henry Odhiambo alifariki dunia Jumanne Aprili 9,2019 baada ya kunywa sumu pamoja na kumeza dawa za kupunguza makali ya virusi (ARVs) kupita kiasi.
Kulingana na stakabadhi zake kutoka hospitali ya Mbagathi, Odhiambo aliamua kujitoa uhai dakika chache tu baada ya kutembelea kituo cha afya ambapo alikuwa amekwenda kujua hali yake ya kiafya.
"Alikuwa na afya nzuri kabisa kando na kukohoa mfululizo kwa zaidi ya majuma mawili yaliopita, hakuna aliyetarajia kwamba angekuwa na virusi hivyo," Mmoja wa jamaa wake alisema.
" Odhiambo alienda hospitalini na akafanyiwa vipimo vya kifua kikuu na vya Ukimwi, kwa bahati mbaya , alipatikana na virusi vya HIV, alirejea nyumbani akiwa mwingi wa mawazo na hivyo ndivyo alijiua," Rafiki yake alisema.
Aidha, jirani wake alishangazwa na kifo chake na kudai kuwa marehemu hakuonekana kuwa mtu aliyependa raha ila alikuwa akimuona na mpenzi mmoja tu.
Chanzo - Tuko