Sunday, December 16, 2018

VIGOGO TISA KUSHEREHEKEA KRISMASI GEREZANI

  Malunde       Sunday, December 16, 2018
Huenda vigogo tisa wanaokabiliwa na kesi zilizo katika Mahakama ya Hakimu Mkazi Kisutu wakasherehekea sikukuu ya Krismasi na mwaka mpya wakiwa rumande kutokana na sababu mbalimbali ikiwamo ya upelelezi kutokamilika.

Lakini wengine kesi zao hazina dhamana na wengine wamefutiwa dhamana.

Miongoni mwa vigogo hao ni pamoja na Harry Kitilya na maofisa wa zamani wa benki ya Stanbic; Shose Sinare na Sioi Solomon wanaosota rumande kwa takribani miaka miwili na miezi minane kutokana na upelelezi wa shauri lao la utakatishaji fedha kutokamilika. Wote walifikishwa mahakamani hapo kwa mara ya kwanza Aprili Mosi, 2016.

Kitilya, ambaye ni mwenyekiti wa kampuni ya Uwekezaji wa Mitaji na Dhamana (Egma), pia aliwahi kuwa kamishna mkuu wa TRA. Mbali ya Kitilya wamo pia mkurugenzi mkuu wa zamani wa Kampuni Hodhi ya Rasilimali za Reli (Rahco), Benhadard Tito; mwenyekiti wa Chadema, Freeman Mbowe; wafanyabiashara Habinder Seth na James Rugemarila.

Wengine ni Yusuf Ali maarufu kama Shehe au Mpemba, Mohamed Mustafa Yusufali, Dk Ringo Tenga na mkurugenzi wa uthaminishaji almasi na vito Tanzania (Tansort), Archard Kalugendo.

Na Hadija Jumanne, Mwananchi 
Kuwa Mjanja..Download App mpya ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
dl.dropbox.com/s/1f6hu4drsr05o09/Malunde%201%20Blog.apk
Previous
« Prev Post