Tuesday, November 20, 2018

DK. MENGI KUANZISHA KIWANDA CHA KUTENGENEZA MAGARI TANZANIA

  Malunde       Tuesday, November 20, 2018

Mwenyekiti Mtendaji wa Makampuni ya IPP Dkt. Reginald Mengi.

Mwenyekiti Mtendaji wa Makampuni ya IPP Dk. Reginald Mengi leo ametia saini mkataba wa makubaliano baina ya IPP Automobile Ltd na kampuni ya Youngsan Glonet Corporation ya Korea Kusini kwa ajili ya uanzishaji wa kiwanda cha kuunganisha magari nchini kitakachoanza kazi mwakani.

Dk. Mengi amesema kuwa uwekezaji huo utagharimu dola za Mareklani milioni 10 sawa na shilingi bilioni 22 za Tanzania na kusema kuwa katika kipindi cha mwezi Oktoba mwakani gari la kwanza litatolewa katika kiwanda hicho cha IPP Automobile kitakachojengwa eneo la Kurasini Jijini Dar es Salaam.

"Kiwanda cha IPP Automobile Limited kwa kushirikiana na kampuni ya Youngsan Glonet Corporation (KOTA) kinatarajia kuunda magari aina ya Kia, Hyundai na Daewoo, ambapo kati ya September na October mwaka 2019 Tanzania itaanza kutumia gari la kwanza", amesema Dkt. Mengi.

Shughuli ya utiaji saini makubaliano hayo imefanyika Ofisi za Makao Makuu ya IPP Dar es Salaam ambapo, Dk. Mengi amesema kuwa kiwanda hicho kinatarajiwa kuzalisha magari 1,000 ya aina tatu na kutoa ajira rasmi kwa watu 500 na zisizo rasmi zaidi ya 1000.

Kwa upande wake balozi wa Korea nchini Tanzania Song Geum Young amesema kuanzishwa kwa kiwanda hicho ni katika utekelezaji wa sera ya Tanzania ya Viwanda na kuongeza kuwa kitasaidia kuongeza ajira pamoja na mapato kwa nchi.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post