Monday, November 26, 2018

MTOTO ALIYETEKWA KIMAFIA DAR AFIKISHA SIKU 60, AKOSA MITIHANI

  Kanyefu       Monday, November 26, 2018

Dar es Salaam. Idrissa Ally (13), mwanafunzi wa darasa la tano Shule ya Msingi Princes Gate jijini Dar es Salaam hadi jana mchana alikuwa ametimiza siku 60 tangu alipotekwa kwa staili ya ‘kimafia’ akiwa anacheza na wenzake na kumfanya akose mitihani ya mwisho wa mwaka.

Wakati mwalimu mkuu wa shule hiyo, Mussa Idrissa akisema mitihani ilianza Novemba 19 kwa wanafunzi wa darasa la kwanza, pili, tatu, tano na sita, Ally Idd, baba mzazi wa Idrissa amesema wanaendelea na maombi ili mwanaye arudi salama.

Idrissa alitekwa Septemba 26 saa 11 jioni akiwa anacheza na wenzake eneo la Tegeta Masaiti wilayani Kinondoni.

Alichukuliwa na dereva mwanaume aliyekuwa katika gari aina ya Toyota IST, ambaye alitoa kichupa kidogo kinachodhaniwa ni ‘spray’ na kumpulizia mtoto huyo na kumuingiza mlango wa nyuma wa gari na kuondoka naye.

“Bado Idrissa anakumbukwa na wanafunzi wenzake, nakumbuka wakati tunawatangazia kuanza kwa mitihani hii, mmoja wa wanafunzi anayeitwa Amran alimuuliza mwalimu wake wa darasa kama Idrissa atakuja kufanya mtihani,” alisema Mussa.

“Mwalimu akamjibu kuwa Idrissa atafanya mitihani kama kawaida.”


logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post