Monday, September 24, 2018

MKUU WA MAJESHI JENERALI VENANCE MABEYO ASEMA WATATUMIA SIKU 2 KUKINYANYUA KIVUKO CHA MV NYERERE

  Malunde       Monday, September 24, 2018
Mkuu wa Majeshi ya Ulinzi na Usalama, Jenerali Venance Mabeyo amesema kivuko cha Mv Nyerere kitapinduliwa chini juu hapo kilipo badala ya kuvutwa hadi mwaloni kama mipango ya awali ilivyokuwa.


Jenerali Mabeyo ametoa kauli hiyo jana, Septemba 23, 2018 eneo la Ukara wilayani Ukerewe mkoani Mwanza baada ya kuwasili kifaa maalumu kitakachotumika kukipindua kivuko kilichozama Septemba 20,2018 na kusababisha vifo vya watu 224 hadi sasa.


“Tuombeni tufanikiwe na tutafanikiwa. Tunaamini kazi hii ya kukipindua kivuko hiki itaweza kuchukua siku mbili au tatu,”


“Kivuko hiki kimejikita chini na kifaa hiki kitaingiza upepo utakaoingia kwenye maboya yatakayosaidia kukipindua na hatua ya kukipindua itasaidia kivuko hiki kutoharibika,” alisema Jenerali Mabeyo.


Kwa upande wake, Waziri wa Ujenzi, Uchukuzi na Mawasiliano, Mhandisi Isack Kamwelwe alisema shughuli ya uokoaji inafanywa na Watanzania wenyewe na si watu kutoka nje.


Pia, amewapiga marufuku watendaji wa taasisi zilizopo chini ya wizara hiyo kukodi vifaa kwa ajili ya shughuli hiyo na kwamba kazi hiyo ipo chini ya uratibu wa Jeshi la Ulinzi la Wananchi Tanzania (JWTZ).
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post