Thursday, August 2, 2018

Vurugu Zimbabwe : MMOJA AUAWA KWA KUPIGWA RISASI

  Malunde       Thursday, August 2, 2018

Mtu mmoja ameuawa kwa kupigwa risasi katika Mji Mkuu wa Zimbabwe, Harare, wakati Jeshi lilipoungana na Polisi katika kutuliza mamia ya waandamanaji wanaopinga uchaguzi mkuu wa nchi hiyo wakidai sio wa haki.

Polisi hao wamerusha maji ya kuwasha na mabomu ya kutoa machozi ili kuwatawanya waadamanaji, huku helikopta za jeshi zikizunguka angani, ambapo makabiliano hayo yameripotiwa nje ya makao makuu ya Tume ya Uchaguzi.

Wafuasi wa upinzani waanadaiwa kukosa subira kufuatia Tume hiyo kuchelewesha kutangaza matokeo ya Urais katika uchaguzi huo unaoitwa wa kihistoria uliofanyika siku ya Jumatatu baada ya miongo minne ya utawala wa Rais Robert Mugabe.

Aidha pamoja na madai hayo ya upinzani kuituhumu tume hiyo kwa upendeleo, Tume hiyo imepinga tuhuma hizo ambapo imesema inatarajia kutangaza matokeo ya Urais hapo kesho.

Kupitia ukurasa wake wa Twitter, Rais wa Zimbabwe Emmerson Mnangagwa, ametoa wito kwa wananchi kuwa watulivu na kuonesha ukomavu na zaidi ya yote kulinda amani na usalama wa taifa hilo.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post