Wednesday, August 29, 2018

MWALIMU AFIKISHWA MAHAKAMANI KWA KUBAKA MWANAFUNZI

  Malunde       Wednesday, August 29, 2018
Mwalimu wa Shule ya Sekondari Engusero wilayani Kiteto, mkoani Manyara, Henry Michael (30), amefikishwa katika Mahakama ya Hakimu Mkazi Kiteto kwa kosa la kumbaka mwanafunzi wa Kidato cha pili (16).


Mwendesha mashtaka wa polisi, Inspekta Mbaruku Makame, amedai mahakamani hapo leo Jumatano Agosti 29, kuwa tukio hilo lilitokea Agosti 26, mwaka huu saa mbili usiku shuleni hapo baada ya mwanafunzi huyo kutumwa baadhi ya vifaa nyumbani kwa mtuhumiwa huyo.


Amedai mwanafunzi huyo alikuwa anaishi bweni na wenzake ambapo usiku wa siku hiyo mtuhumiwa huyo alimtuma aende nyumbani kwake kuchukua vifaa vya shule ndipo akamfuata nyuma na kumbaka kichakani.


Baada ya kusomewa shitaka hilo mshtakiwa amekana na kurejeshwa rumande kwa kushindwa kutimiza msharti ya dhamana yaliyotaka kuwa na wadhamini wawili watakaosaini bondi ya Sh milioni mbili na kesi imeahirishwa hadi Septemba 5, mwaka huu.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post