Thursday, August 16, 2018

MTANZANIA ACHAGULIWA KUWA MBUNGE PAKISTAN

  Malunde       Thursday, August 16, 2018

Tanzeela Qambrani mbunge wa Jimbo la Sindh nchini Pakistan.

Mwanamke mmoja aitwaye Tanzeela Qambrani ambaye asili yake ni Tanzania ameandika historia kuwa Mwafrika wa kwanza kuchaguliwa kuwa mbunge katika Jimbo la Sindh nchini Pakistan akiwakilisha wanawake.

Tanzeela ambaye anatoka jamii inayodharauliwa ya waliowachache ya Sheedi yaani watu wenye asili ya Afrika, aliapishwa Jumatatu kuwa mjumbe wa Bunge la Sindh kupitia chama cha Pakistan People’s Party (PPP).

Inaelezwa kuwa Tanzeela ambae amekuwa mtetezi wa elimu na haki za wasichana nchini humo ametokea kwenye jamii Sindh ambayo ndio jamii ya watu wenye asili ya Afrika ambao hubaguliwa sana nchini humo.

Baada ya kuapishwa amesema “Nimejihisi kama Nelson Mandela wakati naapishwa naamini nitakwenda kuipa heshima jamii yangu ambayo imejitahidi kulinda tamaduni za kiafrika licha ya kuwa kwenye himaya ya watu weupe”.

Inadaiwa kuwa Mababu wa Tanzeela ambae ni mtaalamu wa masuala ya Kompyuta walitokea Tanzania kabla ya kuingia nchini humo huku Dada yake mmoja na Tanzeela anatajwa kuolewa nchini Tanzania.

Aidha Tanzeela ana matumaini kuwa uteuzi wake utasaidia kuondoa unyanyapaa na ubaguzi dhidi ya Watu wa jamii yake ya Sidi wenye asili ya Afrika.

Mpaka sasa familia ya Tanzeela imeendelea kuweka muunganiko na Afrika kwani mmoja wa dada zake aliolewa Tanzania, wakati mwingine aliolewa Ghana.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post