Sunday, August 26, 2018

GARI LA WAGONJWA 'AMBULANCE' LAUA MGONJWA

  Malunde       Sunday, August 26, 2018

Mwanafunzi wa darasa la pili katika Shule ya Msingi Bugwe, iliyoko wilayani Tanganyika mkoa wa Katavi, Hollo Paliga (10), amefariki baada ya gari la wagonjwa iliyokuwa inamkimbiza hospitalini kupinduka. 


Alifariki papo hapo baada ya gari hilo lililokuwa likimpeleka kwenda hospitali ya rufani ya mkoani Mbeya kwa matibabu zaidi kupata ajali na kupinduka katika Kijiji cha Magamba.

Akizungumzia tukio hilo Kamanda wa Polisi Mkoa wa Katavi, Damas Nyanda, alisema kifo hicho kilitokea juzi saa 2:30 usiku katika Kijiji cha Magamba, gari likiwa kwenye barabara ya kutoka Mpanda kuelekea mjini Sumbawanga mkoani Rukwa.

Alisema gari hilo la kubebea wagonjwa aina ya Landcruiser lenye namba za usajili DFPA 3273 lilikuwa likitoka Mpanda kwenda Mbeya kwa lengo la kumsafirisha mtoto huyo ambaye alikuwa amepewe rufani ya kwenda kutibiwa katika Hospitali ya Rufani ya Mbeya akitokea Hospitali ya Manispaa ya Mpanda.

Kamanda Nyanda alisema baada ya kusafari kilometa 10 kutoka Mpanda mjini na kufika katika Kijiji cha Magamba lilipinduka na dereva ambaye jina limehifadhiwa alikimbia na polisi wanaendelea na kumsaka.

Alisema chanzo cha ajali hiyo ni mwendo kasi uliosababishwa alishindwe kukata kona na kusababisha kupinduka.
Chanzo- Nipashe
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post