Monday, July 23, 2018

KIGOGO WA YANGA AJIUZULU

  Malunde       Monday, July 23, 2018

Makao makuu ya Yanga

Katika mwendelezo wa sintofahamu inayoendelea kwenye klabu ya Yanga huku kukiwa na wimbi la viongozi wa ngazi mbalimabli kujiuzulu, aliyekuwa kaimu mwenyekiti wa klabu hiyo Clement Sanga naye amejiuzulu nafasi yake.

Sanga amewasilisha barua kwa uongozi wa timu hiyo akiomba kujiuzulu nafasi ya Kaimu Mwenyekiti aliyoitumikia tangu mwaka 2017 alipojiuzulu aliyekuwa mwenyekiti Yusuf Manji. Pia amejiuzulu na nafasi yake ya msingi ya Makamu Mwenyekiti ambayo ndiyo ilimpa nafasi ya kuwa Kaimu Mwenyekiti.

Sanga ameitaja sababu kubwa iliyopelekea kuchukua uamzi huo ni kutokana na video iliyosambaa mitandaoni hivi karibuni ikionesha mashabiki wakihamasishana kwenda na mapanga kumfanyia fujo nyumbani kwake.

Kiongozi huyo sasa anafuata nyayo za viongozi wengine waliojiuzulu akiwemo aliyekuwa katibu mkuu Boniface Mkwasa, Mwenyekiti wa kamati ya kuinusuru Yanga Abbas Tarimba pamoja na wajumbe mbalimbali wa kamati ya utendaji ambao wameshachia ngazi.


Clement Sanga

Wakati hayo yanaendelea hali bado tete kwa upande wa wachezaji ambao wameripotiwa kugomea mazoezi ya kujiandaa na mchezo wa marudiano ya kombe la shirikisho Afrika dhidi ya Gor Mahia ya Kenya utakaopigwa kwenye uwanja wa taifa Julai 29, 2018.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post