Tuesday, June 26, 2018

PERU WAVUNJA REKODI YA MIAKA 40 KOMBE LA DUNIA

  Malunde       Tuesday, June 26, 2018

Mfungaji wa bao la pili la Peru Paolo Guerrero

Timu ya taifa ya Peru imemaliza mechi zake za makundi kwa ushindi wa mabao 2-0 dhidi ya Australia na kuvunja rekodi yake ya kutoshinda mchezo kwenye Kombe la Dunia tangu mwaka 1978.

Tangu ishinde mechi yake ya mwisho dhidi ya Iran kwa mabao 4-1, imepita miaka 40 na siku 15. Ushindi wa Peru leo haujaisaidia kusonga mbele ambapo imetoka pamoja na timu ya Australia.

Katika kundi hilo la C timu ya Ufaransa imeongoza ikiwa na alama 7 ikifuatiwa na Denmark yenye alama 5. Ufaransa itasubiri mshindi wa pili wa Kundi D huku Denmark ikiwa inasubiri mshindi wa kwanza ambapo Croatia ina nafasi kubwa ya kuongoza kundi hilo.

Pia mechi kati ya Ufaransa na Denmark imekuwa mechi ya kwanza kumalizika kwa suluhu kwenye Fainali za Mwaka huu. Naye kocha wa Ufaransa Didier Deschamps ameifikia rekodi ya kocha wa zamani wa Raymond Domenech ya kufundisha kwa mechi 79.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post