Thursday, March 29, 2018

MWANAFUNZI UDSM APIGWA ONYO VITENDO VYA KUSHUSHA HADHI YA CHUO

  Malunde       Thursday, March 29, 2018
Uongozi wa Chuo Kikuu cha Dar es salaam, umempatia barua ya Onyo mwanafunzi Kumbusho Dawson Kagine kutokana na kujihusisha na vitendo tofauti na wajibu wake kama mwanafunzi.

Barua inayoaminika kuwa imetoka kwenye Uongozi wa Chuo Kikuu Mlimani imeeleza kuwa chuo kimepata taarifa ya kuwa Kumbusho ni miongoni mwa wanafunzi wanaojihusisha na vitendo kinyume na sheria za wanafunzi za chuoo hicho (UDSM Student By Laws 2011).

Imeelezwa kuwa vitendo ambavyo havikubaliki ni pamoja na kupanga na kuhamasisha maandamano kitu ambacho ni kinyume cha sheria ikiwa ni pamoja na kujihusisha na vitendo vinavyoshushia hadhi chuo hicho.

Aidha kwa mujibu wa barua hiyo Kumbusho ameonywa kuacha vitendo hivyo mara moja na endapo atakaidi atakuwa amejiongezea makosa mengine kama jinsi ilivyoainishwa kwenye sheria ndogondogo za wanafunzi.

"Unakumbushwa kuwa onyo hili ni la mwisho na endapo utaendelea kujihusisha na vitendo hivyo, moja kwa moja au kwa kuwashawishi, utasimamishwa masomo mara moja kulingana na kipengele cha 14(ix) wakati mashtaka yako dhidi yako yakiandaliwa na kushughulikiwa" Imeandikwa Sehemu ya barua hiyo.

Akithibitisha kutolewa kwa adhabu hiyo Afisa Mahusiano wa Chuo hicho Jackson Isdor amesema kuwa ni kweli Kumbusho amepatiwa onyo na uongozi wa chuo hicho.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post