Sunday, March 25, 2018

KAMPENI YA KUPIMA UKIMWI WANAUME YAJA TANZANIA

  Malunde       Sunday, March 25, 2018

Baada ya utafiti kubaini mwamko mdogo kwa wanaume kupima na
kutumia dawa za kufubaza makali ya Virusi vya Ukimwi (ARVs), Tume ya Kudhibiti Ukimwi Tanzania (Tacaids) sasa kuanzisha kampeni maalumu.

Akizungumza leo Jumapili Machi 25, 2018 na Kamati ya Bunge ya Masuala ya Ukimwi na Kupambana na Dawa za Kulevya, mkurugenzi mkuu Tacaids, Dk Leonard Maboko amesema kampeni hiyo itakuwa miongoni mwa shughuli zitakazofanywa katika mkakati wa nne wa kupambana na Ukimwi nchini.

“Katika utafiti wa mwaka 2016/17, tuliangalia vitu vipya ambavyo ni maambukizi mapya na kiwango cha kufubaza VVU. Tuligundua ingawa wanawake wanaongoza katika maambukizi mapya, lakini ni wepesi kupima na kutumia dawa kikamilifu ndiyo maana kwenye kiwango cha kufubaza wanaongoza,”amesema.

Amesema katika utafiti huo uliozinduliwa Desemba mwaka jana, kiwango cha watu kufubaza VVU kwa wenye miaka kati ya 15 na 64 ni asilimia 52 lakini kati ya hao, 57.5 ni wanawake na wanaume ni 41.2.

Amesema kwa mujibu wa Mkakati wa Taifa wa Ukimwi unaoishia mwaka huu,gharama za kugharamia Ukimwi nchini zinakadiriwa kufikia Sh6 trilioni kwa muda wa miaka mitano.

Naye waziri wa nchi katika Ofisi ya Waziri Mkuu (Sera), Jenista Mhagama amesema mwaka 2015 wafadhili wa tume hiyo walianza kupunguza fedha za mapambano dhidi ya VVU.
Na Sharon Sauwa, Mwananchi 
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post