Friday, March 16, 2018

BASI LAZAMA KWENYE MTO WENYE VIBOKO SERENGETI

  Malunde       Friday, March 16, 2018

Basi la kampuni ya Kimotco lililokuwa linatoka Musoma, kwenda Arusha, kupitia Mugumu, limezama katika mto wenye viboko ndani ya Hifadhi ya Taifa ya Serengeti mkoani Mara.


Mhifadhi mkuu wa Hifadhi hiyo William Mwakilema amethibitisha kupata taarifa ya tukio hilo leo Machi 16,2018.


Mwakilema amesema hakuna majeruhi wala vifo na kuwa abiria wote wako juu ya basi.

“Jitihada za kuwaokoa mmoja mmoja zinaendelea. Baada ya kusombwa na maji abiria wote wako juu ya basi maana halikuzama lote, jitihada za kuwaokoa zinaendelea mpaka sasa zaidi ya abiria wanne wametolewa,"amesema bila kutaja idadi ya abiria wote.

Kamanda wa Polisi mkoa Mara, Jafari Mohamed hakuweza kupatikana kwa njia ya simu, hata hivyo polisi wilayani Serengeti wamesema wameshatoa taarifa kituo kidogo cha cha polisi Seronera kufuatilia.


Mmoja wa mawakala wa kampuni hiyo Neema Kegocha amekiri kupata taarifa na kudai wanatafuta usafiri wa kwenda eneo la tukio.

Na Anthony Mayunga, Mwananchi
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post