Saturday, January 13, 2018

SUMAYE : WANAOJIUZULU UBUNGE,UDIWANI KWA KUSHAWISHIWA KWA FEDHA NA MADARAKA WAKEMEWE

  Malunde       Saturday, January 13, 2018



Waziri mkuu mstaafu na Mjumbe wa Kamati Kuu ya Chadema, Fredrick Sumaye amesema wanajiuzulu ubunge na udiwani kwa kushawishiwa kwa fedha na madaraka wanapaswa kukemewa na watu wote.

Katika mahojiano na kituo cha habari za Azam Two jana Ijumaa Sumaye alisema mwanasiasa anayefanya hivyo ni fisadi mkubwa kwani anachezea fedha za wananchi wanazolipa kama kodi.

"Mtu akijiuzulu kwa sababu za msimamo binafsi hiyo ni sawa lakini akijiuzulu kwa nguvu ya fedha na madaraka tunapaswa wote kukemea,"alisema Sumaye.

Alihoji uhalali wa mbunge kujiuzulu nafasi hiyo akiwa chama fulani na kuitaka tena nafasi hiyo katika chama kingine kwa madai ya kutaka kuwatumikia wananchi wakati hata huko alikojiuzulu alikuwa na uwezo wa kufanya hivyo.

"Mtu kama ni mbunge na aliwaomba kura wananchi ili kuwatumika anapaswa kuwatumikia sio kuhama chama na kutaka tena ubunge kwani mbunge kazi yake ni kuwasemea wananchi sio chama chake," amesema Sumaye.

Na Ephrahim Bahemu, Mwananchi
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post