Saturday, January 27, 2018

NYOSSO ASHTAKIWA KWA KUMPIGA SHABIKI

  Malunde       Saturday, January 27, 2018


Baada ya mchezaji Juma Nyosso wa Kagera Sugar kumpiga shabiki, kamati ya usimamizi na uendeshaji wa ligi imemshitaki kwenye kamati ya Nidhamu ya TFF kwa ajili ya hatua zaidi.

Akiongea leo Afisa Mtendaji mkuu wa Bodi ya ligi Boniface Wambura amesema kamati hiyo imepitia ripoti ya kamishna wa mchezo huo namba 112 kati ya Kagera Sugar dhidi ya Simba SC na kubaini kuwa tukio hilo ni la kinidhamu hivyo kulifikisha sehemu husika.

''Kamati imepitia ripoti ya kamishna na imeonesha kuwa kulikuwa na tukio ambapo mchezaji wa Kagera Sugar Juma Nyosso alimpiga ngumi shabiki hivyo suala hilo limefikishwa kwenye kamati ya nidhamu ya TFF kwa ajili ya maamuzi'', amesema Wambura.

Nyosso ambaye bado anashikiliwa na Jeshi la Polisi mkoani Kagera anatuhumiwa kwa kumpiga ngumi shabiki baada ya mchezo kumalizika, kitendo ambacho kilipelekea shabiki huyo kuanguka na kuzimia kabla ya kukimbizwa Hospitali.

Katika mchezo huo uliopigwa Jumatatu Januari 22 Simba iliibuka na ushindi wa mabao 2-0 na kulipa kisasi cha msimu uliopita ambapo ilipoteza 2-1 kwenye mchezo uliopigwa April 22, 2017.
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpyaHAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.bdkxfuvweev_drskoew
Previous
« Prev Post