Watu
wanne wamefariki dunia na wengine kadhaa bado wamenasa kwenye kifusi
katika machimbo madogo ya Kalole kata ya Lunguya wilayani Kahama mkoani
Shinyanga kufuatia kuporomoka kwa duara waliyokuwa wanachimba dhahabu.
Diwani
wa Kata ya Lunguya Benedicto Manwari amesema tukio hilo limetokea jana jioni, na kwamba hadi kufikia jioni ya leo miili ya
watu wanne imeopolewa na majeruhi mmoja ambaye anapatiwa matibabu katika
kituo cha Afya Lunguya.
Manuari amesema miili hiyo mitatu ni ya wakazi wa hapo Kalole na mmoja ni wa kutoka Bariadi mkoani Simiyu na tayari umekwishasafirishwa na kwamba Yule majeruhi ambaye amevunjika mkono na ana jeraha usoni ni mtu wa Morogoro.
Manuari amesema miili hiyo mitatu ni ya wakazi wa hapo Kalole na mmoja ni wa kutoka Bariadi mkoani Simiyu na tayari umekwishasafirishwa na kwamba Yule majeruhi ambaye amevunjika mkono na ana jeraha usoni ni mtu wa Morogoro.
Amesema
kufuatia sensa iliyofanywa, inakisiwa watu watatu wakazi wa kijijini
hapo bado wamenasa katika kifusi hicho ingawa juhudi za uopoaji bado
zinaendelea japokuwa hakuna msaada wowote wa zana za kisasa ulioweza
kupatikana.
Manuari amesema Serikali ngazi ya wilaya imepewa taarifa hizo na Jeshi la Polisi limekwishafika kwenye eneo la tukio.
Balaa
la watu kupoteza maisha katika machimbo madogo ya madini bado
halijapata jibu la kudumu kwa wilaya ya Kahama ambayo imekuwa ikiibuka
kugunduliwa madini karibu kila sehemu ya ardhi yake.
via>>Kahama fm