CRDB WAKALA : MUONGO MMOJA WA KUWEZESHA JAMII NA KUBORESHA MAISHA NCHINI

Mkuu wa Kitengo cha CRDB Wakala, Ericky Willy (wapili kushoto) akimkabidhi mshindi wa mwezi wa tano wa kampeni ya “CRDB Wakala 10 na Kitu”, Joshua Lembeli Loketa kadi ya Bajaj baada ya kuongoza kwa Idadi ya miamala katika kampeni hiyo. Wengine pichani ni baadhi ya wafanyakazi wa Benki ya CRDB, pamoja na wake wa mshindi huyo.
Mshindi wa mwezi wa kampeni ya “CRDB Wakala 10 na Kitu”, Joshua Lembeli Loketa akiwa katika Bajaj aliyoshinda baada ya kuongoza kwa Idadi ya miamala katika kampeni hiyo. Waliokaa nyuma ni wake wa mshindi huyo.


========= ======== ========


Katika wilaya ya Kilosa, mkoa wa Morogoro, Joshua Lembeli Loketa amesimama huku akitabasamu huku akiwa ameshikilia funguo za Bajaji yake mpya kabisa. Akiwa CRDB Wakala, Joshua ameibuka mshindi katika Kampeni inayoendelea ya CRDB Wakala ‘10 na Kitu’, ikiwa ni sehemu ya kuadhimisha miaka 10.


Furaha ya Joshua inaonekana wazi wakati akitoa shukrani zake za dhati kwa Benki ya CRDB kwa zawadi hiyo ya bajaj. Kwa furaha anaeleza jinsi Bajaji itakavyo saidia kwa kiasi kikubwa maisha yake, hasa katika kuwasafirisha watoto wake shuleni. Hapo awali, Joshua alilazimika kutenga Shilingi 60,000 kila mwezi kwa ajili ya gharama zao za usafiri.


Lakini safari ya Joshua na CRDB Wakala ni zaidi ya kushinda tu zawadi. Ana hadithi ya kipekee ambayo inamtofautisha na wengine. Joshua ni mfugaji na pia ni Mhasibu wa kampuni ya ulinzi. Kilichomsukuma kuwa CRDB Wakala ni fursa ya ajabu iliyotolewa na Mradi wa Reli ya Kisasa (SGR), Chuo cha Afya, na jamii ya Wamasai ambayo ni kiongozi.


Kwa ujuzi wake wa kibiashara, Joshua aliona uwezekano wa kutoa huduma za kifedha kwa wafanyakazi wa miradi ya SGR, wafanyakazi na wanafunzi wa Kituo cha Afya, pamoja na jamii. Aliamini katika kutoa huduma bora kwa wateja, na hii inamtofautisha na wengine.


Weledi wake katika utoaji huduma na kufanya kazi kunaonekana katika idadi ya wateja ambao anawapatia huduma — tayari amefungua zaidi ya akaunti 1,000 katika vituo 12 vya mradi wa SGR. Lakini hana mpango wa kuishia hapo. Maono yake ni kuongeza mtaji na kupanua biashara yake, kuongeza wateja wapya na kufungua ofisi nyingi katika maeneo mbalimbali ya mkoa wa Morogoro.


Kamisheni anazopata kwa kuwa CRDB Wakala haijamwezesha Joshua tu kutimiza mahitaji muhimu ya familia yake bali pia imemjengea heshima katika jamii na miongoni mwa mawakala wengine. Amekuwa mfano wa kuigwa na wengi wanaotamani kufikia ndoto zao kwa bidii na kujituma.


Kampeni ya ‘10 na Kitu’ inapoendelea, hadithi za mafanikio na mabadiliko zinaendelea kujitokeza. Safari ya Joshua Lembeli ni mfano mmoja tu wa mapinduzi ambayo CRDB Wakala imekuwa nayo kwa maisha ya mawakala na jamii wanazohudumia. Kwa kila huduma na akaunti inayofunguliwa, Benki ya CRDB inachukua hatua nyingine kuelekea dira yake ya kukuza ushirikishwaji wa kifedha na kuboresha maisha ya Watanzania.


CRDB Wakala imefanya mapinduzi makubwa katika namna huduma za kifedha zinavyotolewa nchini Tanzania. Tangu kuanzishwa kwake mwaka 2013, imekuwa na ukuaji wa ajabu, na kuleta ufanisi mkubwa kwa Benki ya CRDB na kuchukua jukumu muhimu katika kuchochea ujumuishi wa kifedha kote nchini.


Ikiwa na mtandao mpana zaidi wa mawakala zaidi ya 30,000, Benki ya CRDB inaongoza kwa uwakala wa benki nchini Tanzania na inashikilia nafasi tatu kwa ukubwa Afrika Mashariki. Mtandao huu mkubwa unahudumia zaidi ya Watanzania milioni 3 kila mwezi. Ripoti za utendaji zinaonyesha zaidi ya miamala milioni 80 yenye thamani ya zaidi ya TZS 50 trilioni.


Mafanikio hayo yasingewezekana bila jitihada za CRDB Wakala na uhusiano thabiti walioujenga na jamii wanazozihudumia. Kwa kuadhimisha miaka 10 ya CRDB Wakala, Benki ilizindua kampeni ya miezi minne yenye lengo la kuongeza kasi ya ufikishaji wa huduma za benki kwa wananchi walio wengi zaidi.


Kampeni hiyo inachukua mtazamo kamili wa ujumuishaji wa kifedha kwa kurahisisha upatikanaji wa huduma za kibenki, zikiwemo bidhaa na huduma za benki zinazofuata misingi ya sharia chini ya mwamvuli wa CRDB Al Barakah. Aidha, kwa kutambua umuhimu wa bima katika kuhakikisha ustawi wa jamii, hivi karibuni Benki ya CRDB imewawezesha mawakala kutoa huduma za bima ya vyombo vya moto.


Ili kuhamasisha mawakala, kampeni ya ‘10 na Kitu’ inatoa zawadi za kusisimua. Kila mwezi, mawakala walio na idadi kubwa zaidi ya miamala kutoka kanda mbalimbali wana nafasi ya kushinda pikipiki kumi, huku mshindi wa kwanza wa kila mwezi akiondoka na Bajaj. Mwishoni mwa kampeni wakala mmoja atakayeongoza katika kampeni nzima atajinyakulia zawadi ya gari aina ya Toyota Alphard.


Motisha hizi sio tu kwamba zinatambua mafanikio ya CRDB Wakala na mchango wao katika ushirikishwaji wa kifedha bali pia zinawatia moyo kuendelea na kazi yao muhimu, kuhakikisha kwamba huduma za benki zinapatikana kwa wote, na kuhakikisha hakuna anayeachwa nyuma.


Kujitolea kwa mawakala kama Joshua Lembeli ni muhimu katika kubadilisha maisha na kuleta mabadiliko chanya katika jamii yoyote. Mchango wao katika kukuza ujumuishi wa kifedha haupimwi tu kwa idadi ya watu wanaowahudumia, bali pia katika namna ambavyo wamekuwa wakisaidia kuboresha maisha ya wateja wanaowahudumia.--

Download/Pakua/Install App ya Malunde 1 blog Google Playstore Bofya Hapa

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia malundekadama@yahoo.com au WhatsaApp: + 255 757 478 553 au 0625 918 527

0/Post a Comment/Comments