Watoto watatu wameokolewa baada ya jengo la ghorofa tatu lililokuwa katika ujenzi kuporomoka Sagana nchini Kenya.
Taarifa zinaonyesha kwamba jengo hilo liliporomoka siku ya Jumatatu, Juni 19,2023 jioni, na inaaminiwa kuwa wafanyakazi wa ujenzi kadhaa wamekwama ndani ya jengo hilo.
Kwa mujibu wa ripoti ya Citizen TV, operesheni za kutafuta na kuokoa zilianza mara moja, na watu watatu waliokolewa kutoka kwenye vifusi baada ya tukio hilo.
Watatu hao walipelekwa haraka katika Hospitali ya Murang'a Level Five kwa matibabu huku zoezi la kutafuta wenzao likiendelea hadi usiku wa manane.
Picha zilizosambazwa kwenye mitandao ya kijamii zilionyesha umati wa watu waliokusanyika eneo la tukio, sehemu ya jengo ikiwa imepinduka upande mmoja huku ghorofa ya kwanza ikiwa imetapakaa.