MATIBABU KILIO KIKUBWA KWA WAZEE MKOANI SIMIYU | MALUNDE 1 BLOG

Saturday, October 2, 2021

MATIBABU KILIO KIKUBWA KWA WAZEE MKOANI SIMIYU

  Malunde       Saturday, October 2, 2021


 Samirah Yusuph -Busega.
 

Wazee mkoani Simiyu wameadhimisha siku ya wazee duniani wakikabiliwa na changamoto ya upatikanaji wa vitambulisho vya matibabu kwa wazee.

Siku ya wazee duniani katika Mkoa wa Simiyu imeadhimishwa ki mkoa wilayani Busega na kuhudhuriwa na mkuu wa Mkoa wa Simiyu David Kafulila ambapo wamebainisha kuwa upatikanaji wa huduma ya Afya kwa wazee bado ni changamoto.

Wamesema wakati huu ambao upatikanaji wa vitambulisho vya matibabu ukiwa ni wa shida bado kuna uhaba wa wataalamu wa afya ya wazee kwa ajili ya kuwahudumia, vifaa tiba, pamoja na madawa licha ya serikali kutenga fungu la asilimia sita kwa ajili ya wazee kwenye mfuko wa afya.

Akizungumza na wazee hao mkuu wa mkoa wa Simiyu David Kafulila ameahidi kusaidia ujenzi wa ofisi ya wazee Mkoa ili waweze kutambulika zaidi na kurahisisha upatikanaji wa taarifa zao.

Kwa mujibu wa sensa ya watu na makazi ya mwaka 2012 Mkoa wa Simiyu unajumla ya wazee 68,175 sawa na asilimia 3.8 ya wakazi wa mkoa huo huku wazee 29,490 pekee tayari wamepata huduma ya kadi za matibabu kwa wazee.

Mwisho.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post