WAVUTA SIGARA/TUMBAKU WABANWA | MALUNDE 1 BLOG

Tuesday, July 27, 2021

WAVUTA SIGARA/TUMBAKU WABANWA

  Malunde       Tuesday, July 27, 2021


Mamlaka ya Dawa na Vifaa Tiba (TMDA) imetoa muda wa mwaka mmoja kuanzia Julai 26, 2021 kwa wamiliki, wapangaji na waendeshaji wote wa maeneo panaporuhusiwa kuvuta sigara (taasisi za elimu ya juu, majengo ya ofisi, hoteli, baa, migahawa na maeneo ya burudani) kutenganisha vyumba au maeneo maalum ya kuvutia na kutovutia sigara.

Aidha, TMDA imesema kuwa Kanuni za Bidhaa za Tumbaku za mwaka 2014 inawataka wamiliki wote wa majengo yanayotumiwa na watu wengi kuweka vifaa vya kubaini moshi wa tumbaku na kuweka alama zinazosomeka ‘Jengo Hili Limefungwa Mitambo ya Kubaini Moshi wa Tumbaku.’

Mamlaka hiyo imefafanua kuwa baada ya muda huo, ukaguzi utafanyika nchi nzima ili kuhakiki utekelezaji wa maelekezo hayo ikiwa ni pamoja na kuchukua hatua za kisheria kwa wale ambao hawatotii.

Pia, imekumbusha kuwa Sheria ya Udhibiti wa Bidhaa za Tumbaku inazuia uvutaji wa tumbaku katika maeneo ya umma ambayo ni pamoja na sehemu zinapotolewa huduma za afya, maktaba, sehemu za ibada au mikutano au shughuli za michezo na burudani na sehemu za maduka makubwa. Katika maeneo hayo sheria inataka kuwekwa bango litakalosomeka ‘Hauruhusiwi Kuvuta Sigara.’

TMDA imetahadharisha kuwa maelekezo hayo yanahusu bidhaa za tumbaku zinazotambulika kisheria ambazo ni sigara, siga, sigarusi, misokoto, shisha, kiko na tumbaku ya unga pekee.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post