Mkuu wa Kitengo cha Ufuatiliaji TCRA, Dkt. Philip Filikunjombe
Na Kadama Malunde - Malunde 1 blog
Mamlaka ya Mawasiliano Tanzania (TCRA) imewataka Watumiaji wa Mitandao ya Kijamii wakiwemo Waandishi wa Habari Mtandaoni kuweka Nywila 'Passwords' kwenye vifaa vya mawasiliano ikiwemo simu za mkononi na Computer ili kuzuia matumizi ya mitandao au vifaa vya mawasiliano bila idhini ya mhusika.
Rai hiyo imetolewa na Mkuu wa Kitengo cha Ufuatiliaji TCRA, Dkt. Philip Filikunjombe leo Jumanne Mei 11,2021 mkoani Morogoro wakati wa semina kwa Waandishi wa Habari Mtandaoni (Online Media Journalists, Bloggers and Editors) ili kuwajengea uwezo kuhusu Sheria mbalimbali zinazohusu Tasnia ya Habari ili waweze kuripoti kwa weledi zaidi juu ya Haki za Binadamu iliyoandaliwa na Mtandao wa Watetezi wa Haki za Binadamu Tanzania (THRDC).
Dkt. Filikunjombe amesema ni lazima kila mtumiaji wa kifaa cha mawasiliano ikiwemo Simu ya Mkononi na Computer aweke Password kwenye kifaa chake cha mawasiliano ili kulinda taarifa zake ikiwa ni pamoja na kuepuka watu wasio wema kutumia vibaya mtandao.
"Weka password kwenye simu yako na usimpe mtu mwingine namba yako ya siri hata kama ni mme au mke wako", amesema.
"Pia tunapaswa kulinda watoto mtandaoni
kwa kutowapa simu zetu. Usimpe simu yako mtoto kwa sababu kuna mambo mengine hayapaswi kuonwa na watoto kwa umri wao. Jitahidi kuweka Neno la Siri (Password) kwenye simu yako", amesema Dkt. Philikunjombe.
Katika hatua nyingine amewataka waandishi wa habari mtandaoni kuepuka kusambaza taarifa za uongo 'Fake News' na kutumia lugha mbaya huku akiwasisitiza kusajili vyombo vya habari mtandaoni ili kuepuka kujiingiza katika migororo ya kisheria.
Post a Comment