MFUNGWA ANUSURIKA KIFO BAADA YA KUMEZA MISUMARI, KALAMU, SINDANO NA VYUMA | MALUNDE 1 BLOG

Monday, May 31, 2021

MFUNGWA ANUSURIKA KIFO BAADA YA KUMEZA MISUMARI, KALAMU, SINDANO NA VYUMA

  Malunde       Monday, May 31, 2021

Mkuu wa Hospitali ya Arbaminch kusini mwa Ethiopia ameiambia BBC kwamba misumari 30, chuma na vitu vingine vimeondolewa kutoka kwenye tumbo la mfungwa mmoja wa Ethiopia.

Temesgen Teshome alisema mfungwa huyo alihukumiwa kifungo cha miaka saba gerezani na kwa sasa anatibiwa ugonjwa wa akili.

Mtu huyo alilazwa katika Hospitali ya Arbaminch Jumanne iliyopita baada ya kupata maumivu ya tumbo na hali yake ilikuwa mbaya, kulingana na Teshome.

Madaktari walipomuuliza alikokuwa ameshikiliwa, alijibu kwamba alikuwa amemeza misumari.

Madaktari baadaye walipiga picha ya X-ray na kugundua kuwa tumbo lake na utumbo vilikuwa vimefunikwa na misumari na vipande vya chuma.

Kwa mujibu wa Temesgen Teshome, mfungwa huyo alifanyiwa upasuaji baada ya njia ya umeng'enyaji chakula kuzibwa kabisa.

''Wakati wa upasuaji, ilibainika kuwa vitu hivyo vilipenya kwenye tumbo na utumbo, hivyo upasuaji ulilazimika kufanyika kwa umakini,'' alisema Teshome.

Karibu misumari 30, kalamu nne, sindano, uzi na vipande vya chuma viliondolewa kwenye tumbo lake.

Baada ya upasuaji, madaktari walipiga picha ya x-ray ya mtu huyo, kuthibitisha kama hakuna kitu kingine kilichoachwa ndani ya tumbo lake.

''Yuko kwenye hali nzuri. Anahitaji vipimo zaidi. Alimeza vitu hatari vyenye ncha. Inawezekana tumbo lake limeharibika.'' Alisema mkuu wa hospitali alisema.

Aliongeza kuwa mfungwa huyo bado anahitaji uchunguzi wa kitabibu kutazama koo lake na uchunguzi wa wataalamu wa matatizo ya kiakili.

Maafisa wameiambia BBC kuwa mfungwa huyo awali hakuwa akihisiwa kuwa na ugonjwa wa akili, lakini alikuwa akihisi kuugua baada ya kukamatwa.

Chanzo - BBC Swahili
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post