MFANYABIASHARA ASHITAKIWA KWA UHUJUMU UCHUMI, KUKWEPA KODI YA MILIONI 48 | MALUNDE 1 BLOG

Friday, September 18, 2020

MFANYABIASHARA ASHITAKIWA KWA UHUJUMU UCHUMI, KUKWEPA KODI YA MILIONI 48

  Malunde       Friday, September 18, 2020

Mfanyabiashara Geofrey Kilimba, mkazi wa Salasala jijini Dar es Salaam, amefikishwa katika Mahakama ya Hakimu Mkazi Kisutu akikabiliwa na kesi ya uhujumu uchumi.

Kilimba amesomewa mashitaka manne ambapo katika shitaka la kwanza, Wakili Mwandamizi wa Serikali Wankyo amedai kuwa, kati ya Agosti 29, 2013 na Agosti 8, 2020 mshitakiwa huyo akiwa na wenzake ambao hawajafikishwa mahakamani, walishirikiana kutenda kosa la uhujumu uchumi nakuongoza genge la uhalifu kunyume na sheria.

Aidha, wakili amedai kuwa katika maeneo tofauti jijini Dar es Salaam mshitakiwa kwa makusudi alikwepa kulipa kodi ya zaidi shilingi milioni 48 ambayo alipaswa kulipa Mamalka ya Mapato Tanzania (TRA).

Katika shitaka la mwisho, Kilimba anadaiwa kati ya Agosti 29, 2013 na Agosti 8,2020 jijini Dar es Salaam , alijipatia kiasi hicho cha fedha huku akijua kuwa fedha hizo ni zao la kosa tangulizi la kukwepa kulipa kodi TRA.

Hata hivyo mshitakiwa hakuruhusiwa kujibu kitu chochote mahakamani hapo kwa kuwa mahakama hiyo haina mamlaka ya kusikiliza kesi za uhujumu uchumi.

Kesi hiyo imeahirishwa hadi Septemba 30, 2020 na mshitakiwa amerudishwa rumande.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post