KIJANA AMUUA BABA YAKE KWA KUMTWANGA NGUMI USONI MOROGORO | MALUNDE 1 BLOG

Tuesday, June 2, 2020

KIJANA AMUUA BABA YAKE KWA KUMTWANGA NGUMI USONI MOROGORO

  Malunde       Tuesday, June 2, 2020


Na Mwandishi wa Malunde 1 blog - Morogoro
Jeshi la Polisi mkoani Morogoro linamshikilia Yohana Isaya Lameck (17) mkazi wa Kitongoji cha kata ya Mkalama Manyani wilayani Gairo kwa tuhuma za kumuua baba yake mzazi Isaya Lameck (41) kwa kumpiga ngumi usoni na kumkanyaga sehemu mbalimbali za mwili.

 Kamanda wa polisi mkoa wa wa Morogoro SACP Wilbroad Mutafunga amesema tukio hilo limetokea Mei 31,2020 majira ya saa 12 alfajiri.

"Isaya Lameck aliuawa kwa kupigwa ngumi usoni na kukanyagwa sehemu mbalimbali za mwili wake na mtoto wake wa kumzaa Yohana Isaya",amesema.

"Kabla ya tukio hilo marehemu alirudi nyumbani kwake akiwa katika hali ya ulevi,ndipo ulipozuka ugomvi kati yake na mtoto ambaye alimpiga baba yake kwa ngumi usoni na kudondoka chini kisha kuendelea kumkanyaga sehemu za tumboni hali iliyosababisha baba huyo kupata maumivu makali katika mwili wake",amesema Kamanda Mutafugwa.

Amesema utokana na ugomvi huo,ndugu waliamua kuamua ugomvi huo na kumpatia matibabu na alfajiri ya Mei 31,2020 aligundulika kuwa amefariki dunia na mwili wa marehemu umefanyiwa uchunguzi na kukabidhiwa kwa ndugu kwa ajili ya mazishi. 

Amesema mtuhumiwa anashikiliwa na polisi kwa ajili ya mahojiano na upelelezi ukikamilika atafikishwa mahakamani.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post