MBUNGE WA ZAMANI WA JIMBO LA PERAMIHO AFARIKI DUNIA | MALUNDE 1 BLOG

Saturday, April 25, 2020

MBUNGE WA ZAMANI WA JIMBO LA PERAMIHO AFARIKI DUNIA

  Malunde       Saturday, April 25, 2020

Na Magnus Mahenge, Dodoma
Mbunge wa Zamani wa Jimbo la Peramiho, mkoani Ruvuma, Dk Damas Mbogoro amefariki dunia katika hospitali ya Peramiho alikokuwa akihudumiwa.

Taarifa ya Spika Job Ndugai iliyosomwa bungeni na Naibu Spika wa Bunge, Dk Ackson Tulia ilisema mbunge huyo wa zamani amefariki jana katika hospitali hiyo. Dk Tulia alisema hayati Dk Mbogoro alikuwa Mbunge wa Peramiho kwa miaka 10 kati ya mwaka 1980-1995 baada ya kumaliza kipindi hicho alichukua jimbo hilo Prof Simon Mbilinyi na sasa lipo chini ya Jenista Mhagama.

Dk Mbogoro pia amewahi kuwa Naibu Waziri wa Fedha na Mipango, pia amewahi kuwa mwenyekiti wa Bodi ya Tumbaku nchini. Dk Mbogoro ambaye kitaaluma ni mchumi pia amewahi kuwa Kimishna wa Mipango na Kamishna wa Sensa nchini.

Pia aliwahi kuwa Mwanzilishi wa Taasisi ya Wirima Community ambayo ndiyo chimbuko la Sekondari ya Wirima iliyopo katika eneo la Wino jimboni Peramiho. Baada ya kustaafu, Dk Ndumbaro alikuwa mhadhiri katika Chuo Kikuu cha Dodoma (UDOM) na Chuo Kikuu cha Mtakatifu Augustino (SAUT) tawi la Songea.

Hayati Dk Ndumbaro atazikwa leo katika kijiji cha Wino katika Jimbo la Madaba mkoani Ruvuma. Mwenyezi Mungu aiweke roho ya marehemu mahali pema peponi.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post