WAZIRI WA AFYA ATOA TAMKO GHARAMA KUBWA ZA HOTELI KWA WANAOWEKWA KARANTINI KWA UGONJWA WA CORONA | MALUNDE 1 BLOG

Tuesday, March 24, 2020

WAZIRI WA AFYA ATOA TAMKO GHARAMA KUBWA ZA HOTELI KWA WANAOWEKWA KARANTINI KWA UGONJWA WA CORONA

  Malunde       Tuesday, March 24, 2020

Waziri wa Afya, Maendeleo ya Jamii, Jinsia, Wazee na Watoto, Ummy Mwalimu amewaagiza wakuu wa mikoa na makatibu tawala wa mikoa yote nchini kuainisha hoteli ama sehemu zenye gharama nafuu, ambazo wasafiri wanaoingia nchini watakaa kwa siku 14 ili kuona kama wameambukizwa virusi vya corona au la.

Waziri Ummy Mwalimu ametoa agizo hilo kupitia mtandao wa kijamii wa Twitter, baada ya kusambaa kwa picha ya video inayomuonesha msafiri mmoja akilalamikia kitendo cha kuwekwa kwenye hoteli zinazotoza gharama kubwa.

“Tumepokea hii changamoto ya sehemu zilizobainishwa kwa ajili ya 14-days mandatory isolation kwa wasafiri waliotoka nchi zilizoathirika zaidi na #COVID19, nawaelekeza maRC/RAS wa Mikoa yote kubainisha Hoteli/Sehemu ambazo wasafiri wengi watamudu gharama,” amesema Waziri Ummy Mwalimu.

Machi 22 mwaka huu, wakati akilihutubia Taifa kueleza hatua mbalimbali zinazochukuliwa na serikali ili kukabiliana na virusi vya corona, Rais John Magufuli alitangaza wasafiri wote watakaoingia nchini kutoka mataifa yaliyoathirika zaidi na virusi vya corona watalazimika kufikia sehemu za kujitenga na kukaa huko kwa muda wa siku 14 kwa gharama zao.


Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post