Nyoka mwenye vichwa viwili aliyepewa jina 'Double Dave' amepatikana katika msitu mmoja uliopo jimbo la New Jersey, nchini Marekani.
Kwa mujibu wa ABC News, Marekani, nyoka huyo ana umbo dogo na mwenye sumu kali.
Licha ya kuwa na vichwa viwili vilivyokamilika, Double Dave ana macho manne na ndimi mbili ambazo zinafanya kazi tofauti.
Pia ana uwezo wa kujibadilisha na kuvimba anapokumbana na adui.
Ripoti inaendelea kusem kuwa, Schneider ambaye ni mtaalam wa wanyama wanaotambaa, alisema yeye na mtaalam mwenzake walimwona nyoka huyo Agosti 25, 2019 na wakampa jina la Double Dave kwa sababu yeye Schneider na mwenzake wote majina yao ni David.