Mkurugenzi mtendaji wa Halmashauri ya wilaya ya Kyerwa Shedrack Mohamed Mhagama
Vijana wilayani Kyerwa mkoani Kagera wametakiwa kuwa wabunifu katika masuala mbali mbali ya kiuchumi kuliko kusubiri ajira kutoka serikalini.
Kauli hiyo imetolewa leo Agosti 13,2019,na Mkurugenzi mtendaji wa Halmashauri ya wilaya ya Kyerwa, Shedrack Mohamed Mhagama katika mwendelezo wa wiki ya uwekezaji Kagera yenye lengo la kutangaza fursa za mkoa wa Kagera.
Mhagama amesema vijana wanatakiwa kubuni na kutambua vipaji walivyonavyo kuliko kukaa bila kazi huku baadhi wakisubiri ajira kutoka serikalini.
Mhagama amesema kuwa katika wilaya yake ya Kyerwa kipaumbele ni kwa vijana ili kujenga taifa imara na lenye nguvu.
Amesema vijana wanatakiwa kuchangamkia fursa mbalimbali za mikopo zinazotolewa na halmashauri.
Hata hivyo ametoa wito kwa jamii kufanya kazi bila kubagua ili kujikombia kiuchumi kutokana na mkoa wa Kagera kuwa na fursa mbalimbali.
Na Lydia Lugakila - Malunde1 blog Kagera
Na Lydia Lugakila - Malunde1 blog Kagera