Monday, March 25, 2019

MAGUFULI : NILIOGOPA FEDHEHA KWENDA UWANJANI

  Malunde       Monday, March 25, 2019
Image may contain: 5 people, people standing, child, outdoor and nature
Rais wa Tanzania, John Magufuli amesema alilazimika kuangalia mechi kati ya Tanzania na Uganda nyumbani kwa sababu aliogopa kupata fedheha uwanjani endapo wangefungwa.

Ameyasema haya leo Jumatatu Machi 25, 2019 Ikulu jijini Dar es Salaam katika hafla ya kuwapongeza wachezaji wa timu ya Taifa ya Tanzania ‘Taifa Stars’ pamoja na bondia Hassan Mwakinyo baada ya kuiwakilisha vizuri nchi katika mashindano.

Amesema wakati akiangalia na Tanzania kuongoza kwa goli moja alifurahi na kusema Watanzania wanaweza huku akiwaza kuwa goli lile litarudishwa ndani ya muda mfupi.

“Mke wangu (Janeth) akawa ananiambia Tanzania leo tunashinda nikamwambia wewe unajua nini, tukawa tunabishana pale, walivyokuwa wanatangaza katika televisheni za Tanzania nikaona wanaweka chumvi nikaweka Supersport na kuona utangazaji wa haki.”

“Nikawa nasikiliza wanavyosifia wachezaji wa Tanzania nikaona basi leo tunacheza vizuri, baadaye penati na baadaye la tatu nikaona hapa tumeshinda sasa kesi ikabaki kuangalia kule Cape Verde mchezo unakwendaje na ulipoisha nikaona tumeshinda,” amesema Magufuli.

Amesema walimu wa timu walipanga vizuri timu na huenda katika mchezo wa Lesotho walidanganyika au walikuwa hawajawafahamu wachezaji wao vizuri.

“Kwa hiyo machungu niliyokuwa nayo na nafikiri ndiyo ya Watanzania, mmeyamaliza jana hongereni sana.”

“Nina matumaini makubwa kama mchezo wa jana mliouonyesha mkiendelea katika mashindano yanayokuja ya Afcon tunaweza kuingia katika robo fainali, nusu na hata fainali tukachukua na kombe,” amesema Magufuli akiizungumzia Stars ambayo sasa imefuzu kushiriki fainali za soka za mataifa ya Afrika (Afcon) 2019 nchini Misri.

Na Aurea Simtowe - Mwananchi
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
Loading...
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post