Monday, February 4, 2019

WAZIRI WA ELIMU AWASIMAMISHA KAZI WATUMISHI SITA WA CHUO CHA PATANDI

  Malunde       Monday, February 4, 2019
Waziri wa Elimu Prof. Joyce Ndalichako amewasimamisha kazi watumishi sita wa chuo cha elimu maalum Patandi mkoani Arusha kwa tuhuma za kushindwa kusimamia majukumu yao na pia matumizi mabaya ya zaidi ya bilioni 2.3 zilizotolewa na serikali kwa ajili ya ujenzi wa miundombinu ya chuo hicho.

Waziri Ndalichako amechukua hatua hiyo baada ya kutembelea chuo hicho kukagua mradi wa majengo ya chuo hicho ambao licha taarifa kuonyesha kuwa umechelewa kukamilika bila sababu za msingi pia thamani ya fedha zinazotajwa inapingana na hali halisi na pia ubora wake,na amemuagiza Katibu mkuu kupeleka watendaji wengine wakati uchunguzi ukiendelea na ikithibitika sherika itachukua mkondo wake.

Watumishi waliosimamishwa ni mhasibu mkuu, Rose Kijaka; makamu mkuu wa chuo, Isack Myovela; mwenyekiti wa kamati ya mapokezi, Peter Mosha; boharia wa chuo, Charles Njarabi; na Henry Matei aliyehamishiwa Chuo cha Ualimu Monduli ambaye ameagiza arudishwe kujibu tuhuma zinazowakabili.

Kuhusu mkuu wa chuo hicho, Janes Liana amemuagiza katibu mkuu wa wizara hiyo, kumuondolea madaraka na kuendelea na utumishi kutokana na maradhi yanayomsumbua kwa muda mrefu.
Usikubali kupitwa na habari..Pakua App ya Malunde1 blog HAPA Ili tuwe tunakutumia habari moja kwa moja Kwenye Simu yako
logoblog

Kama Una Habari,Picha,Video,Tangazo n.k Wasiliana Nasi Simu/WhatsApp +255 757 478 553 ,0625 918 527

Malunde 1 blog Ipo PlayStore....Pakua App yetu mpya HAPA Upate Habari Mpya Moja Kwa Moja Kwenye Simu yako..Utasoma habari hata kama hauna MB..Bofya Hapa
https://play.google.com/store/apps/details?id=com.malunde.blog
Previous
« Prev Post